ജീവിതത്തിലും ബിസിനസിലും പരാജയപ്പെട്ട് ഇനി മുന്നോട്ടുപോകാൻ യാതൊരു പ്രതീക്ഷയുമില്ലാത്ത അവസ്ഥയിലാണ് ലിൻഡ എന്ന യുവതി. ഒടുവിൽ അവൾ തൻ്റെ ജീവിതം എന്നന്നേക്കുമായി അവസാനിപ്പിക്കുകയെന്ന ലക്ഷ്യത്തിൽ കടൽക്കരയിൽ നിൽക്കുന്നു. എന്നാൽ ഒരാൾ അവളെത്തന്നെ നോക്കി നോക്കി പുഞ്ചിരിക്കുകയാണ്. അർജുൻ സിദ്ധാർത്ഥ്! അദ്ദേഹം അവളിൽ എന്തോ ഒരു പ്രത്യേകത കാണുന്നു. അവളുമായി ഒരു കരാറുണ്ടാക്കുന്നു. 90 ദിവസത്തേക്ക് മരിക്കാതിരുന്നാൽ സമ്പത്ത്, ആഗ്രഹിക്കുന്ന ബന്ധങ്ങൾ, അളവറ്റ സന്തോഷം. ഇതിലേക്കെല്ലാമുള്ള വഴി താൻ കാണിച്ചു കൊടുക്കാം.

ഒന്നുമില്ലായ്മയിൽ നിന്ന് ലിൻഡ എങ്ങനെയാണ് ആഗ്രഹിച്ചതെല്ലാം സ്വന്തമാക്കിയത്? അതിലേക്കുള്ള അവളുടെ വഴികൾ, നേരിട്ട വെല്ലുവിളികൾ, അർജുൻ അവൾക്ക് പറഞ്ഞുകൊടുത്ത ബിസിനസ് തന്ത്രങ്ങൾ. ഇതിലുടെ കഥ പുരോഗമിക്കുന്നു. ഒരു ബിസിനസ് തുടങ്ങി അത് വിജയകരമായി എങ്ങനെ മുന്നോട്ടുകൊണ്ടുപോകണം എന്ന വലിയ പാഠങ്ങൾ വളരെ ലളിതമായി കുട്ടികൾക്ക് പോലും മനസിലാകുന്ന രീതിയിൽ നർമ്മത്തിൻ്റെ അകമ്പടിയോടെ ഈ പുസ്തകത്തിൽ അവതരിപ്പിക്കുന്നു.

ജീവിതത്തിൽ ഏതെങ്കിലും മേഖലയിൽ വിജയിക്കണമെന്ന് ആഗ്രഹിക്കുന്നവർക്കും നിലവിലുള്ള ബിസിനസിനെ ഒരു വലിയ പ്രസ്ഥാനമാക്കി വളർത്താൻ ആഗ്രഹിക്കുന്നവർക്കും പുതിയതായി ബിസിനസ് തുടങ്ങുന്നവർക്കുമെല്ലാം ഒരു വഴികാട്ടിയായിരിക്കും ഈ പുസ്തകം. ലോകത്തിൽ തന്നെ ആദ്യമായാണ് ഒരു ബിസിനസ് സെൽഫ് ഹെൽപ്പ് ബുക്ക് നോവലിൻ്റെ രൂപത്തിൽ അവതരിപ്പിക്കുന്നത്